kadrytools

لو انت من جيل الستينات و الأجيال اللي بعده لحد الألفينات ..
فانت أكيد عدي عليك تليفزيون هيتاشي و مروحة هيتاشي و تلاجة هيتاشي إلخ ..
أي حد كان راجع من الخليج في التمانينات و التسعينات لازم يرجع بحاجة هيتاشي .. و أشهرهم كان المروحة

عارف جملة ( و فضلت أنا و المروحة ..) !!
أهي المروحة دي هيتاشي

طيب هيتاشي راحت فين دلوقت ؟

الأول تعالي نعرف هيتاشي كانت ايه ..

شركة هيتاشي هي شركة يابانية اتأسست سنة 1910 علي يد المهندس *نياهي أوديرا* .. و كان مقرها في محافظة إيباراكي .. و كان أول حاجة يتم انتاجها هو المحرك الحثي (https://bit.ly/3CRB3i0 ) .. و دا كان محرك 5 حصان .. و دا اختراع كبيير أيامها .

أثناء الحرب العالمية التانية معظم مصانع الشركة تم قصفها .. و دا أدي ان الشركة صفت شغلها و اتباعت في اكتتاب عام سنة 1949 .

بعدها بكام سنة هيتاشي قررت ترجع تاني ..
بس المره دي هتخرج للعالم ..
فاتأسست هيتاشي أمريكا المحدودة 1959 ..
و بعدها هيتاشي أوروبا المحدودة 1982 .

و بدل هيتاشي واحدة .. بقي فيه مية هيتاشي في كل المجالات ..
أنظمة السيارات – معدات بناء – أنظمة الدفاع – منتجات ترفيهية ( تكييفات و كدا ) – خدمات مالية – أجهزة صرافات آلية و خوادم – أنظمة طاقة – بنية تحتية و أنظمة صناعية – إلخ …

الضربة الكبيرة

من سنة 2006 لـ سنة 2010 .. واجهت هيتاشي أكبر خسارة مالية في تاريخ اليابان بقيمة 12.5 مليار دولار أمريكي .. و دا سبب ان الشركة تبدأ تبيع و تتعاقد مع شركات تانية علشان تغطي الخسارة دي ..

يعني مثلا توشيبا سنة 2012 اشترت قسم محرك الأقراص الثابتة مقاس 3.5 بوصة من هيتاشي .. و كمان قسم التلفزيونات .. و امتنعت هيتاشي عن تصنيع التلفزيونات بعد كدا .

أما بالنسبة للقسم اللي يخصنا في الحديث .. و هو قسم معدات البناء ..
فتم بيع القسم الي شركة كوكي المحدودة (Koki Holdings Co., Ltd ) ..
و اتغير الاسم من هيتاشي الي هيتاشي كوكي ..
و بسبب مشاكل تسويقية ..
استقر الاسم في الاخر علي (هاي كوكي HIKOKI) ..
و مفترض ان الصفقة دي هيتم الانتهاء منها في خلال السنتين دول ..

و بعدها اشترت شركة كوكي شركة ميتابو الألمانية METABO ..
و بكدا بقي عند شركة كوكي 3 خطوط انتاج للمعدات ..

هاي كوكي : و دي خط انتاج هيتاشي الجديد ..
ميتابو اتش بي تي : و دا خط انتاج لميتابو بس بشكل جديد ..
و أخيرا ميتابو : و دا خط انتاج معدات ميتابو الألمانية بالشكل المعروف في السوق .

و حاليا تعتبر شركة كوكي KOKI هي الشركة رقم 1 في مجال معدات البناء علي مستوي العالم .. و متوقع انها هتفضل علي عرش الصناعة دي لحد سنة 2030 .. و دا علي حسب بحث قدمه موقع ترانسبيرسي للأبحاث (transparency market research) ..
و دا لينك البحث  https://bit.ly/3CJiFb3 ..

دلوقتي معدات هايكوكي للانشاءات موجودة عند قدري
بضمان ورقي 15 شهر من التوكيل الرسمي لشركة هايكوكي مصر ..

1 Comment

اترك تعليقاً

Your email address will not be published.