kadrytools

عزيزي العميل .. مساء الخير
تعالي نتسلي بشوية معلومات لذيذة ..
يمكن تنسي الحر شوية

إيه معلوماتك عن الكمبرسور ؟

معظمنا ( والمقصود هنا محبي العدد ) يعرف ان الكمبرسور عبارة عن خزان (تانك) .. و ماتور .. و كباس هوا .
كلام مزبوط 100% ..
بس تعرف ايه بيركب مع ايه ؟
طب تعرف تحسب هتحتاج خزان كام لشغلك ؟
طب كام حصان ؟
طب تعرف يعني ايه تصريف الهوا ؟

تعالي أقولك

أولا نتكلم عن شق الكهربا ..

الكمبرسور نوعين ..
220 فولت ( اتنين فاز ) و دا اللي ممكن يشتغل علي الفيشة العادية ..
و 380 فولت ( 3 فاز ) و دا بيبقي له فيش خاصة في المصانع و الورش .

طيب امتي استخدم اتنين فاز و امتي استخدم التلاتة فاز ؟
بص يا عزيزي ..
طالما الماتور لم يتخطي الـ 3 حصان ..
فممكن الكمبرسور يشتغل اتنين فاز تمام جدا ..

أي كمبرسور أعلي من 3 حصان لو اشتغل اتنين فاز .. هيشتغل عادي .. بس العمر الافتراضي للماتور هيقل جدا ..
لان الـ4 حصان فيما فوق بيبقي ماتور عزمه كبير .. مجرد ما بيشتغل بيحمل كهربا كتير علي الملفات و دا بيرفع من الأمبير جدا .. و الفيشة مش قادرة تخرج كمية الكهربا المطلوبة .. و دا بيخلي الملفات تتحرق .

يبقي كدا من أول النص حصان لحد 3 حصان يشتغل اتنين فاز ..
(4 – 5.5 – 7.5 – 10 حصان) وانت طالع يشتغل تلاتة فاز .

*ملحوظة : متحاولش تحول الفاز للكمبرسور من 2 لـ 3 أو العكس ..
اشتري الكمبرسور علي أبوه زي ما بيتقال

تاني حاجة حجم الخزان و التصريف ..
نظرية “كل ما كان الخزان كبير كل ما كان أحسن” ..
دي فتي مصريين يا عزيزي مش حقيقي
هديك مثال ..

الماتور الـ 3 حصان بيصرف هوا ( بيخرج هوا ) بحد أقصي 390 لتر / الدقيقة ..
لما نيجي نحط الماتور دا علي تانك 300 لتر مثلا ..
دا بيعمل اجهاد كبير علي الراس و الكباس عشان يقدر يملي الكمية دي تاني .. و تقريبا بيملي في فترة من 7 الي 9 دقايق ..
لكن لو علي تانك 200 لتر .. هيملي في فترة 4 دقايق تقريبا .. اجهاد أقل ..
لو تانك 100 لتر هيملي في دقيقتين تقريبا .. اجهاد اقل بكتير ..

و معظم المصانع العالمية زي ( روت إير ) الايطالي مثلا ..
بتنصح ان يكون اقصي ماتور يركب للـ 2 فاز هو الـ3 حصان ..
و ان الخزان لا يتخطي الـ 200 لتر ..
و دا عشان تحافظ علي كفاءة راس الماتور و الكباس ..
و تحقق أطول فترة عمر ممكنة للكمبرسور .

لو عايز تعرف أكتر عن الكمبرسورات و أنواعها و ايه أفضل كمبرسور يناسب طبيعة شغلك ..
زورنا في معرض قدرى ..
97 ش الجمهورية رمسيس ..

4 Comments

Comments are closed.